#tavsiyalar_asosida

Mustaqillik mahallasidagi ko‘p qavatli uylar oralig‘ida bo‘sh turgan hududlar bosqichma-bosqich yashil maydonlarga aylantirilmoqda.

Xalq deputatlari Kogon shahar Kengashi raisi A. Yangiyev, kotibiyat mudiri Sh. Isamutdinov hamda mutaxassislar I. Ikromov va Z. Temirovalar ushbu hududlarda olib borilayotgan ishlar bilan tanishdi.

Ko‘zdan kechirish chog‘ida ekilgan ko‘chatlarning holati, sug‘orish tizimi va aholining hordiq chiqarishi uchun yaratilayotgan sharoitlarga e’tibor qaratildi. Avvallari foydalanilmay kelgan maydonlarning obod maskanga aylanishi mahalla qiyofasini o‘zgartirib, aholi uchun yanada fayzli muhit yaratmoqda.

Deputatlar yashil hududlarni ko‘paytirish, ularni saqlash va parvarishlash masalalariga alohida to‘xtalib, amalga oshirilayotgan ishlar nafaqat bugungi kun, balki kelajak avlodlar uchun ham munosib ekologik muhit yaratishga xizmat qilishini ta’kidladi.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash