Paxtakor tumani Oltinko‘l mahallasi hududiga kirish qismida joylashgan avtomobil yo‘lining qatnov qismidagi beton ustunlardan birining qulab tushganligi yuzasidan fuqarolar tomonidan bildirilgan murojaatlar Xalq deputatlari Paxtakor tumani Kengashi deputati K.Mamanova tomonidan joyiga chiqib o‘rganildi.

O‘rganish davomida mazkur holat yo‘l harakati xavfsizligiga salbiy ta’sir ko‘rsatayotgani, transport vositalari va piyodalar uchun xavf tug‘dirishi hamda hududning tashqi ko‘rinishiga salbiy ta’sir etayotgani aniqlandi.

Deputat tomonidan masala joyida tahlil qilinib, qulab tushgan beton ustunni o‘z joyiga qayta o‘rnatish hamda zarur hollarda rekonstruksiya qilish bo‘yicha tegishli tashkilotga deputatlik so'rovi yuboriladi.

Mazkur masala deputat nazoratida qolmoqda.