Xalq deputatlari Chilonzor tumani Kengashi deputati, XDP a’zosi Ahmedov Shuxrat Murotovich tomonidan o‘z okrugi aholisi murojaatlari asosida Gavhar va Do‘mbirobod mahallalarida o‘rganish ishlari olib borilib, hududdagi qurigan hamda xavf tug‘dirayotgan daraxtlar yuzasidan tegishli tashkilotlarga deputatlik so‘rovi yuborilgan edi.

✍️Mazkur deputatlik so‘roviga asosan Chilonzor tumani Obodonlashtirish boshqarmasi hamda tuman Ekologiya va atrof-muhitni muhofaza qilish bo‘limi tomonidan tegishli choralar ko‘rildi.

➡️Jumladan, Gavhar va Do‘mbirobod mahallalari hududidagi qurigan daraxtlar xatlovdan o‘tkazilib, aholi va bolalar xavfsizligiga tahdid solayotgan daraxtlarni belgilangan tartibda bartaraf etish ishlari amalga oshirildi.

✅Mazkur masala deputatlik nazoratida bo‘lib, aholi xavfsizligini ta’minlash va hudud obodonligini yaxshilash borasidagi ishlar davom ettirilmoqda.