Xalq deputatlari Shirin shahar Kengashi deputati Ulug‘bek Normatov tomonidan Nurobod mahallasida fuqarolar murojaatlari o'rganildi.

O‘rganish davomida mahalla aholisini qiynayotgan dolzarb masalalar, ijtimoiy infratuzilmani yaxshilash, kommunal xizmatlar sifati, bandlik hamda boshqa yo‘nalishlarga oid murojaatlar o‘rganildi. Har bir murojaat yuzasidan tegishli mutasaddilar ishtirokida muhokamalar olib borilib, ularni qonuniy va amaliy yechim topish choralarini ko‘rish bo‘yicha vazifalar belgilandi.

Fuqarolar bilan ochiq muloqot qilish, ularning fikr va takliflarini tinglash hamda mavjud muammolarni joyida o‘rganish deputatlik faoliyatining muhim yo‘nalishlaridan biri hisoblanadi.

Aholi manfaatlarini ta’minlash va hududlarni yanada obod qilish yo‘lida bu kabi uchrashuvlar izchil davom ettiriladi.