Paxtakor tumani Oltinko‘l mahallasida aholi uchun munosib turmush sharoitlarini yaratish, infratuzilmani yaxshilash hamda mavjud muammolarni bartaraf etish maqsadida ichki yo‘llarda asfaltlashtirish ishlari jadal sur’atlarda olib borilmoqda. Ushbu ishlar aholi uchun qulay sharoit yaratish, transport qatnovini yaxshilash va hudud infratuzilmasini yanada rivojlantirishga xizmat qiladi.

Olib borilayotgan bunyodkorlik ishlari Xalq deputatlari Paxtakor tumani Kengashi deputatlari K.Mamanova va Sh.Mirzayev tomonidan muntazam nazorat qilib borilmoqda. Deputatlar ishlarning sifati, belgilangan muddatlarda bajarilishi hamda aholi manfaatlariga xizmat qilishi yuzasidan o‘rganishlar olib bormoqda.

Amalga oshirilayotgan keng ko‘lamli ishlar natijasida mahalla qiyofasi tobora yangilanib, aholining yashash sharoitlari yanada yaxshilanmoqda.