Xalq deputatlari Qo‘qon shahar Kengashi deputati J.Xusanov tomonidan o‘z saylov okrugi hududidagi «Qaymoqliguzar» mahalla fuqarolar yig‘inida hokim yordamchisi A.Qosimov faoliyati o‘rganildi.

O‘rganish davomida mahallada aholi bandligini ta’minlash, tadbirkorlikni rivojlantirish va fuqarolarni daromadli mehnat bilan ta’minlash borasida amalga oshirilayotgan ishlar tahlil qilindi.

Xususan, mahalla fuqarosi Yu.Mirzaaxmedovaga Biznesni rivojlantirish banki Qo‘qon filiali tomonidan 100 million so‘m kredit mablag‘i ajratilganligi hamda ushbu mablag‘lar hisobidan tadbirkorlik faoliyati yo‘lga qo‘yilgani joyiga chiqqan holda o‘rganildi.

Samarqand ko‘chasida joylashgan mahallaga tegishli binoda tashkil etilgan ishlab chiqarish faoliyatida ko‘rpa va adyollar tayyorlanayotgani, ishlab chiqarish jarayoni hamda yaratilgan sharoitlar bilan yaqindan tanishildi.

O‘rganish yakunida ajratilgan kredit mablag‘laridan samarali foydalanish, ishlab chiqarish hajmini kengaytirish hamda yangi ish o‘rinlari yaratish bo‘yicha tavsiyalar berildi.

Mahallalarda tadbirkorlikni qo‘llab-quvvatlash va aholi bandligini ta’minlashga qaratilgan ishlar deputat nazoratida davom etmoqda.

Xalq deputatlari Qo‘qon shahar Kengashi