Xalq deputatlari Bandixon tumani Kengashi deputati G.Xolmatova tuman Kengashining 2026-yil 6-apreldagi VII-20-27-8-211-K/26-sonli qarori asosida “Infratuzilma va ijtimoiy barqarorlik” jamg‘armasi mablag‘laridan maqsadli va samarali foydalanilishini o‘rganish maqsadida hududlarda monitoring olib bordi.

✅O‘rganishlar davomida deputat “Quduqsoy” MFYda istiqomat qiluvchi, “Ijtimoiy reyestr”ga kiritilgan hamda I-guruh nogironligi bo‘lgan fuqaro Mamatmo‘minova Maftuna Mamatg‘ani qizi xonadonida bo‘ldi.

✅Tashrif davomida xonadonda amalga oshirilayotgan ijtimoiy ko‘mak ishlari, yashash sharoitlarini yaxshilashga qaratilgan chora-tadbirlar, jumladan, uy devorlari va tom qismini izolyatsiya qilish, energiya tejamkor deraza va eshiklar o‘rnatish, shuningdek, quyosh panellari va geliokollektorlarni joriy etish ishlarini ko‘zdan kechirdi.

✅Deputat tomonidan bajarilayotgan ishlarning sifati va samaradorligi yuzasidan tegishli tavsiyalar berildi hamda ishlarni belgilangan talablar asosida sifatli yakunlash zarurligi ta’kidlandi.

✅Mazkur sa’y-harakatlar ijtimoiy himoyaga muhtoj fuqarolarning turmush sharoitlarini yaxshilash, energiya tejamkor texnologiyalarni keng joriy etish hamda aholi farovonligini oshirishga xizmat qilmoqda.