“Qishloq infratuzilmasini rivojlantirish” loyihasi doirasida Chirkay mahallasida amalga oshirilayotgan qurilish ishlari o‘rganildi.

Xalq deputatlari Furqat tumani Kengashi tomonidan hududlarda olib borilayotgan bunyodkorlik ishlari ustidan deputatlik nazorati davom etmoqda.

Shu maqsadda Kengash Kotibiyati mudiri,deputat I.Juraev hamda Kotibiyat bosh mutaxassisi M.Xalimov Chirkay mahalla fuqarolar yig‘inida bo‘lib, “Qishloq infratuzilmasini rivojlantirish” loyihasi doirasida olib borilayotgan ishlar o‘rganildi.

O‘rganishda Furqat tumani hokimining o‘rinbosari R.Xamdamov, loyiha tashkiloti vakillari hamda qurilish-pudrat tashkiloti mas’ullari ham ishtirok etdilar.

Loyiha doirasida maxallada ichimlik suv ta’minotini yaxshilash maqsadida 1 ta yangi va 2 ta mavjud quduqlarda kompleks sanitar xudud qurilishi hamda 2.0 km ichimlik suv tarmog‘i tortish ishlari belgilangan.

O‘rganish davomida qurilish ishlari sifati, foydalanilayotgan materiallar hamda ishlarning belgilangan muddatlarda yakunlanishi masalalariga alohida e’tibor qaratildi.Shuningdek, mavjud quduqlarni  sanitar xududini qurish uchun ajratilgan joydagi muammoli masalalar joyida  ijobiy hal etildi.
Xozirgi kunda qurilish ishlari 80% ga bajarilgan . Loyiha yakunlanishi bilan Chirkay  mahallasi   aholisi 100% ichimlik suvi bilan ta’minlanadi.

 Xalq deputatlari Furqat tumani Kengashi tomonidan mazkur loyiha ijrosi ustidan deputatlik nazorati muntazam davom ettiriladi.