Xususan, Marg‘ilon shahridagi “Zuhro” mahalla fuqarolar yigʻini ham bugun “Obod mahalla – obod ko‘cha – obod xonadon” tamoyili asosida butunlay yangicha, zamonaviy qiyofa kasb etmoqda.

Mahallada aholi uchun munosib va qulay shart-sharoitlar yaratish, hudud infratuzilmasini yaxshilash hamda Yangi O‘zbekistonga xos bo‘lgan zamonaviy ijtimoiy muhitni shakllantirish masalalari doimiy e’tiborda. Kuni kecha Xalq deputatlari Marg’ilon shahar Kengashi deputatlari tomonidan ushbu mahallada olib borilayotgan keng koʻlamli ishlar va hududning bugungi holati joyiga chiqqan holda atroflicha oʻrganildi.

​Mazkur oʻrganish jarayonlarida shahar Kengashi kotibiyat mudiri A.Ermatov, doimiy komissiya raislari X.Abduraxmonov, Z.Domilayev hamda kotibiyat bosh mutaxassisi N.Akbarova ishtirok etdilar.

​Deputatlar va ishchi guruh vakillari mahalladagi koʻchalar holati, aholi xonadonlaridagi sharoitlar hamda infratuzilma obektlarini koʻzdan kechirishdi. Oʻrganish davomida nafaqat erishilgan yutuqlar va amalga oshirilgan obodonlashtirish ishlari, balki hududda yechimini kutayotgan masalalar ham tahlil qilindi.

“Obod mahalla – obod ko‘cha – obod xonadon” dasturining asosiy gʻoyasi ham aynan har bir fuqaroning hayotidan rozi boʻlib yashashiga erishish, har bir xonadonda madaniyatli va shinam muhit yaratishdan iboratdir.