1-IYUN - XALIQARALIQ BALALARDI QORǴAW KÚNI

Qaraqalpaqstan Respublikası Joqarǵı Keńesi deputatı F.Palvanova hám Xalıq deputatları Shımbay rayonlıq Keńesi “Adolat” spcial-demokratik partiyası deputatı S.Abdieva Shımbay rayonı Den sawlıqtı saqlaw bóliminde emlenip atırǵan balalar halınan xabar alındı hám bayram sawǵaları tapsırıldı.

Ilaj dawamında deputat jas áwladtı bayram menen qızǵın qutlıqlap, olardıń bilimli, salamat hám watansúygish insanlar bolıp kamalǵa keliwi elimiz kelesheginiń bekkem tiykarı ekenin atap ótti.

Sonday-aq, balalarǵa jaratılǵan itibar hám ǵamqorlıq olardıń bayramdı kóterińki ruwxta belgilewine xızmet etti. Ilaj qatnasıwshıları bul iygilikli baslama ushın deputatqa óz minnetdarshılıǵın bildirip, barlıq balalarǵa baxıtlı balalıq hám aydın keleshek tiledi.