🌸🏛 Ayollar muammolari va takliflari deputatlar e’tiborida

📍 Xalq deputatlari Surxondaryo viloyati Kengashi 4-Sherobod saylov okrugi deputati R. Xolmirzayeva hamda Xalq deputatlari Sherobod tumani Kengashi 17-G‘ambur saylov okrugi deputati S. To‘rayeva tomonidan “G‘ambur” mahallasida istiqomat qiluvchi xotin-qizlar bilan ochiq muloqot tashkil etildi.

🤝 Muloqot davomida mahalladagi xotin-qizlarning ijtimoiy, iqtisodiy va maishiy muammolari, bandlikni ta’minlash, tadbirkorlik faoliyatini qo‘llab-quvvatlash, sog‘liqni saqlash hamda ta’lim masalalari yuzasidan murojaat va takliflar tinglandi.

📝 Bildirilgan murojaatlar deputatlar tomonidan atroflicha o‘rganilib, ularni hal etish bo‘yicha tegishli mutasaddi tashkilotlar bilan hamkorlikda amaliy choralar ko‘rilishi ta’kidlandi.

🌿 Bunday uchrashuvlar aholi bilan ochiq muloqotni kuchaytirish, xotin-qizlarning muammo va ehtiyojlarini o‘rganish hamda ularning jamiyatdagi faolligini oshirishga xizmat qilmoqda.