Deputat va nuroniylar uchrashuvi: Qonun ustuvorligi va jamiyat ravnaqi diqqat markazida

​Xalq deputatlari Uzun tumani Kengashi deputati M.Mamurjonova tuman Nuroniylar jamg‘armasida nuroniylar, mahalla faollari va faxriylar ishtirokida davra suhbati o‘tkazdi.

​Suhbat davomida mamlakatimizda qabul qilinayotgan yangi Prezident qonunlari va farmonlari, shuningdek, Oliy Majlis Senati qarorlarining mazmun-mohiyati, ularning aholi farovonligini oshirishdagi ahamiyati keng tushuntirildi.

​Deputat yurtimizdagi islohotlarni xalqqa yetkazishda hayotiy tajribaga ega bo‘lgan nuroniylarning o‘rni beqiyos ekanini ta’kidladi. O‘z navbatida, otaxon va onaxonlar ham tuman rivoji yuzasidan o‘z taklif va fikrlarini bildirishdi.