Xalq deputatlari Oltinsoy tuman Kengashi deputatlari X.Tavasharov va Yu.Hakimovlar so‘zga chiqib, tumanda muqaddas qadamjolarni obodonlashtirish va ularni ozoda saqlash borasida amalga oshirilayotgan ishlar xususida ma’lumot berdi.

Jumladan, Tumanidagi barcha mahalla fuqarolar yig‘inlari hududida joylashgan qabristonlarda obodonlashtirish ishlari izchil olib borilmoqda. Ushbu tadbirlar doirasida hasharlar tashkil etilib, hududlarni chiqindilardan tozalash, daraxtlarga shakl berish, ichki yo‘laklarni tartibga keltirish hamda atrof-muhitni yanada obod qilish ishlariga alohida e’tibor qaratilmoqda.

Ta’kidlanganidek, mazkur ishlar aholi uchun munosib ziyoratgoh muhitini yaratish, muqaddas qadamjolarning obodligi va ozodaligini ta’minlash, shuningdek, milliy qadriyatlarimizga hurmat ruhini mustahkamlashga xizmat qiladi.

✍️Oltinsoy tumani Kengash Kotibiyati Axborot xizmati