🔸Jizzax shahridagi "Oʻrda" ekologik bogʻida aholi oʻrtasida salomatlikni mustahkamlash va ommaviy sportni rivojlantirishga qaratilgan sogʻlomlashtirish tadbiri boʻlib oʻtdi.

🔸Ushbu tadbir Xalq deputatlari Jizzax shahar Kengashining Ijtimoiy soha, yoshlar siyosati, madaniyat va sport masalalari boʻyicha doimiy komissiya raisi M.Abdusattarova tashabbusi bilan tashkil etildi. Loyiha Davlatimiz rahbarining "Sogʻlom turmush tarzini keng tatbiq etish va ommaviy sportni yanada rivojlantirish chora-tadbirlari toʻgʻrisida"gi PF-6099-sonli Farmoni ijrosini taʼminlashga qaratilgan.

🔸Shuningdek, aksiya 31-may – Butunjahon chekishga qarshi kurashish kuniga bagʻishlandi. Unda ishtirokchilarga zararli odatlarning inson organizmiga salbiy taʼsiri, jismoniy tarbiya va sportning salomatlikdagi oʻrni haqida hayotiy tavsiyalar berildi. Ochiq havoda oʻtgan ommaviy badantarbiya mashgʻulotlari barchaga koʻtarinki kayfiyat ulashdi.