Халық депутатлары Шымбай районлық Кеңесиндеги Өзбекстан ХДП депутатлық топары ағзалары халық пенен тығыз байланыс орнатып, олардың пикир-усынысларын үйрениў ҳәм де аймақларда алып барылып атырған жумыслар менен танысыўды турақлы түрде жолға қойып келмекте. Усындай илажлардың даўамы сыпатында, Халық депутатлары Шымбай районлық Кеңесиндеги Өзбекстан ХДП депутатлық топары ағзасы А.Утепбергенова өзи сайланған «Кеңес» аўыл пуқаралар жыйыны аймағында болып, пилле жетистирип атырған хожалықлар жағдайынан  хабар алды.

Илажда Халық депутатлары Шымбай районлық Кеңесиндеги партия топары ағзасы А.Утепбергенова, Өзбекстан ХДП Шымбай районлық Кеңеси баслығы С.Нурмамбетов, районлық Шаңарақ ҳәм ҳаял-қызлар бөлими баслығы, партия белсендиси Г.Мамбетниязова ҳәм де аймақ турғынлары қатнасты.

Бүгинги күнде елимиздеги бәҳәрги маўсимниң әҳмийетли бағдарларының бири — жипек қуртын жетистириў жумыслары қызғын даўам етпекте. Депутат А.Утепбергенова аймақта пилле жетистириў менен шуғылланып атырған хожалықлар ҳәм пуқаралардан хабар алып, олардың жумыс барысы менен жақыннан танысты. Илаж даўамында депутат А.Утепбергенова пилле жетистириўдиң машақатлы ҳәм соның менен бирге мақтанышлы жумыс екенлигин атап өтти.

Илаж соңында депутат А.Утепбергенова тәрепинен пуқаралардың пикир-усыныслары тыңланып, оларды шешиў бойынша тийисли илажлар белгиленди.