Sessiya kun tartibiga kiritilgan muhim masalalar yuzasidan atroflicha muhokamalar olib borildi.

Sessiya kun tartibiga kiritilgan masalalar yuzasidan tegishli tashkilot va mutasaddilarning hisobotlari tinglandi.

Shuningdek, Bog‘ot tumanida 2026-yilning birinchi choragi davomida favqulodda vaziyatlarning oldini olish, aholi va hududlar xavfsizligini ta’minlash borasida amalga oshirilgan chora-tadbirlar muhokama qilindi.

Sessiyada tuman Ekologiya bo‘limi boshlig‘ining hisoboti tinglanib, “Yashil bog‘lar” va “Yashil makon” loyihalari doirasida amalga oshirilayotgan ishlar hamda ekilgan ko‘chatlarning holati yuzasidan ma’lumot berildi.

Sessiyada ijtimoiy reyestrga kiritilgan ehtiyojmand oilalar xonadonlarini ta’mirlash, energiya samaradorligini oshirish va ijtimoiy loyihalarni moliyalashtirish masalalari ko‘rib chiqildi.

Sessiya yakunida muhokama qilingan masalalar yuzasidan tegishli qarorlar qabul qilinib, mutasaddilarga aniq vazifalar belgilab berildi.