#tavsiyalar_asosida_kunlik_ishreja_ichki_yullar

Xalq deputatlari Kogon shahar Kengashi deputati Sh. Isamutdinov hamda mutaxassislar I. Ikromov va Z. Temirovalar “Mustaqillik” MFY hududidagi ichki yo‘llar holatini joyiga chiqib o‘rgandilar.

O‘rganish davomida mahalla ko‘chalaridagi qatnov holati, piyodalar harakati uchun yaratilgan sharoitlar hamda yo‘llarning bugungi holatiga alohida e’tibor qaratildi.

Hudud aholisi bilan bo‘lib o‘tgan muloqotlarda ichki yo‘llarni ta’mirlash, ayrim ko‘chalarda shag‘allashtirish ishlarini amalga oshirish hamda yomg‘irli mavsumda yuzaga keladigan noqulayliklarni bartaraf etish bo‘yicha takliflar bildirildi. Fuqarolar tomonidan mahalladagi ichki yo‘llarning holati kundalik harakatlanish, ayniqsa, bolalar va keksalar uchun muhim ahamiyatga ega ekani ta’kidlandi.

Shuningdek, o‘rganish davomida mahalla infratuzilmasini yanada yaxshilash, hudud obodonligini saqlash va ichki yo‘llarni bosqichma-bosqich tartibga keltirish masalalari muhokama qilindi. Deputat va mutaxassislar tomonidan bildirilgan murojaatlarni tegishli tashkilotlar bilan hamkorlikda ko‘rib chiqish hamda mavjud masalalar yuzasidan amaliy choralar ko‘rish lozimligi qayd etildi.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash