Xalıq deputatları Bozataw rayonlıq Keńesi, sekretariatı baslıǵı, 1-“Palwash ataw” saylaw okrugi (MTDP) saylanǵan deputat A.Ibragimov óz saylaw okrug aymaǵındaǵı 2-sanlı ulıwma bilim beriw mektebinde saylawshılar menen ushırasıw bolıp ótti. 

Ushırasıwǵa “Bozataw” máhállesindegi kóshe biyleri hámde aymaq turǵınları qatnastı. 

Ushırasıw dawamında deputatliq jumıslari boyınsha esabat berip, aymaqtaǵı bar mashqalalar, olardı saplastırıw boyınsha ámelge asırılıp atırǵan jumıslar hám sessiyalarda kórip shıǵılǵan áhmiyetli máseleler haqqında tolıq maǵlıwmat berdi. 

Sonday-aq, Húrmetli Prezidentimizdiń Qaraqalpaqstan Respublikası ushın qabıl etilgen arnawlı Qarar hám Pármanlardiń mazmun-mánisi, xalıq ushın jaratılıp atırǵan jeńillikler hám alıp barılıp atırǵan reformalar boyınsha túsinikler berildi. 

Atap aytqanda Ózbekstan Respublikası Prezidentiniń 2026-jıl 5-fevral kúngi “2026-jılı aymaqlardı jańasha qatnasıqlar tiykarında rawajlandırıw arqalı xalıqtıń dáramatın arttırıw, turaqlı jumıs orınların jaratıw hám kámbaǵallıqtı qısqartıw ilajları haqqında”ǵı PQ-49-sanlı qararında 

Bozataw rayonıda kiritilip 1-marttan baslap awır kategoriyadaǵı rayonlarda shańaraqlıq isbilermenlikti rawajlandırıw baǵdarlamaları sheńberinde jeńilletilgen kreditler jıllıq 12 payızlı stavkada ajıratılıwı boyınshada
keńnen túsinikler berildi. 

Ushırasıw ashıqtan-ashıq sóylesiw ruwxında ótti, saylawshılar ózlerin qızıqtırǵan sorawlarǵa juwap aldı.