Qurbon hayiti bayrami munosabati bilan e’lon qilingan 23–24-may kunlari xayriya hasharlari doirasida Bekobod shahrining barcha qabristonlarida erta tongdan obodonlashtirish ishlari tashkil etildi. Ushbu hasharlarda Xalq deputatlari Bekobod shahar kengashi deputati O‘zLiDeP a’zosi "Nuroniy" jamg'armasi Bekobod shahar bo'limi raisi T.Niyozov hamda mahallalarning faol nuroniylari bosh-qosh bo‘lib, qabriston hududlarini tozalash, ariq-zovurlarni tartibga keltirish, daraxt va gullarga parvarish ko‘rsatish ishlarida faol ishtirok etdilar. Nuroniylar tomonidan o‘tganlar xotirasini yod etish, muqaddas qadamjolarni obod saqlash va yosh avlodga ezgu qadriyatlarni singdirish borasida ibratli ishlar amalga oshirildi. Bu kabi xayrli tadbirlar xalqimizga xos mehr-oqibat, hamjihatlik va inson qadrini ulug‘lash kabi fazilatlarni yanada mustahkamlashga xizmat qilmoqda. Hashar so‘ngida deputat T.Niyazov tomonidan hasharda ishtirok etgan nuroniylar uchun dasturxon yozilib, o‘tganlar haqiga duoi fotihalar o‘qildi.