Yoshlar bilan ishlash samaradorligi o‘rganildi

Xalq deputatlari Qiziltepa tumani Kengashining 14-Tavois saylov okrugidan saylangan tuman Kengashi deputati F.G‘oziyeva Tavois mahallasida faoliyat yuritayotgan yoshlar yetakchisining faoliyatini o‘rgandi.

O‘rganish davomida mahalladagi yoshlar bilan olib borilayotgan ishlar, ularning bandligini ta’minlash, bo‘sh vaqtini mazmunli tashkil etish, kasb-hunarga yo‘naltirish hamda ijtimoiy himoyaga muhtoj yoshlarni qo‘llab-quvvatlash borasida amalga oshirilayotgan chora-tadbirlar yuzasidan ma’lumotlar tinglandi.

Shuningdek, yoshlar yetakchisi tomonidan tashkil etilayotgan tadbirlar, yoshlarning muammo va takliflarini o‘rganish hamda ularni hal etish bo‘yicha olib borilayotgan ishlar muhokama qilindi.

Deputat tomonidan faoliyat samaradorligini yanada oshirish, yoshlarning tashabbuslarini qo‘llab-quvvatlash va ularni jamiyat hayotida faol ishtirok etishga jalb etish yuzasidan tavsiyalar berildi.