Xalıq deputatları Bozataw rayonlıq Keńesi, sekretariatı baslıǵı A.Ibragimov rayondaǵı eń shetki aymaq esaplanǵan «Shaxaman» máhállesindegi Mektepke shekemgi hám mektep bilimlendiriw bólimine qaraslı 13-sanlı ulıwma orta bilim beriw mektebinde puqaralar menen kóshpeli qabıllaw bolıp ótti. 

 Bolıp ótken qabıllawǵa tiyisli taraw wákilleri hámde rayon xalqı qatnastı. 

Qabıllaw dawamında puqaralar tárepinen bank kredit, bántlik, ishki jollardı ońlaw, ishimlik suw, máselesi hám basqada ózlerin qıynap kiyatırǵan turmıslıq mashqalalarǵa baylanıslı múrájatlar kelip tústi. 

Bunda hár bir mashqalanıń kelip shıǵıw sebepleri tiyisli tártipte úyrenilip shıǵıldı hám bir qatar puqaralardıń múrájatları sol orınnıń ózinde unamlı sheshim taptı. Sheshimi waqıt talap etetuǵın múrájatlar hár tárepleme
talıqlanıp, qadaǵalawǵa alındı.