Bugun Chilonzor tumanidagi umumta’lim maktablarida “So‘nggi qo‘ng‘iroq — 2026” tadbirlari ko‘tarinki ruhda bo‘lib o‘tdi.

📍Jumladan, 79-sonli umumiy o‘rta ta’lim maktabida tashkil etilgan bayram tadbirida xalq deputatlari Chilonzor tumani Kengashi deputati, kotibiyat mudiri Murotova Lola Ne'matjon qizi ishtirok etdi.

🗣Tadbir davomida O‘zbekiston Respublikasi Prezidenti Shavkat Mirziyoyevning maktab bitiruvchilariga yo‘llagan bayram tabrigi o‘qib eshittirildi. Unda yoshlarimiz Yangi O‘zbekistonning eng katta tayanchi, Uchinchi Renessans bunyodkorlari ekani alohida ta’kidlandi.

✨Bayram tadbirida bitiruvchilarning samimiy chiqishlari, kuy-qo‘shiq va sahna ko‘rinishlari, ustozlarga bildirilgan minnatdorchiliklar, quvonchli va unutilmas lahzalar barchaga ko‘tarinki kayfiyat ulashdi.

✔️Tadbirda deputat bitiruvchilarga kelgusidagi hayot yo‘lida ulkan muvaffaqiyatlar, oliy ta’limga kirishda omad hamda yurt ravnaqiga munosib hissa qo‘shish tilaklarini bildirdi.

🌱Kelajak egalari bo‘lgan yoshlarimizga yorqin istiqbol va ulkan zafarlar tilaymiz!