Bo‘stonliq tumanidagi umumta’lim maktablarida “So‘nggi qo‘ng‘iroq” tadbirlari yuqori kayfiyat va ko‘tarinki ruhda tashkil etildi. Tadbirlarda xalq deputatlari tuman Kengashi raisi va deputatlarishtirok etib, bitiruvchilarni ushbu unutilmas kun bilan samimiy qutladi.

🔺Tadbir davomida deputatlar tomonidan O‘zbekiston Respublikasi Prezidentining maktab bitiruvchilariga yo‘llangan bayram tabrigi o‘qib eshittirildi. Tabrikda yoshlarga bildirilgan yuksak ishonch, mamlakat taraqqiyoti yo‘lida bilimli va vatanparvar avlod bo‘lib kamol topish borasidagi ezgu tilaklar alohida ta’kidlandi.

🔺Shuningdek, bugungi yoshlar Yangi O‘zbekistonning tayanchi ekanini, ular uchun yaratilayotgan imkoniyatlardan samarali foydalanib, yurt ravnaqiga munosib hissa qo‘shishlari zarurligini qayd etildi. Deputatlar bitiruvchilarga kelgusi o‘qish va mehnat faoliyatlarida ulkan zafarlar, ota-ona va ustozlar ishonchini oqlash yo‘lida muvaffaqiyatlar tiladilar.