Халқ депутатлари Сўх туман Кенгашининг “Коррупцияга қарши курашиш ва хавфсизлик масалалари бўйича” доимий комиссияси раиси В.Эргашев томонидан “Вояга етмаганлар ўртасида назоратсизлик ва ҳуқуқбузарликларнинг профилактикаси тўғрисида”ги Қонун ижроси юзасидан ўрганиш ишлари олиб борилди.

Мазкур ўрганиш натижалари асосида доимий комиссия йиғилиши ўтказилиб, соҳада амалга оширилаётган ишлар, мавжуд муаммо ва камчиликлар атрофлича муҳокама қилинди.

Йиғилишда вояга етмаганлар ўртасида ҳуқуқбузарликларнинг олдини олиш, уларни назоратсиз қолдирмаслик, шунингдек, тегишли ташкилотлар ўртасида ҳамкорликни кучайтириш масаласи алоҳида эътибор қаратилди.

Муҳокама якунида масъул ташкилотларга аниқ топшириқлар берилиб, Қонун ижросини таъминлаш бўйича зарур чора-тадбирлар белгилаб олинди.