📌 “Belariq” mahallasida "Sumalak sayli" ko‘tarinki kayfiyatda o‘tmoqda 

Bugun “Belariq” mahalla fuqarolar yig‘inida milliy qadriyatlarimizning ajralmas qismi bo‘lgan “Sumalak sayli” katta shodiyona bilan nishonlanmoqda.

Mazkur bayram tadbirida Xalq deputatlari Yakkasaroy tumani Kengashi 18-Belariq saylov okrugi deputati Mirkasimov Djasur Alisherovich, mahalla nuroniylari, mahalla fuqarolari hamda yoshlar faol ishtirok etmoqdalar.

Tadbir davomida deputat Mirkasimov Djasur Alisherovich aholi bilan samimiy muloqot qilib, barchani ushbu qadimiy va qadrli an’ana bilan muborakbod etdi.

Mahalla aholisi bayramdan mamnun bo‘lib, ko‘tarinki kayfiyatda vaqt o‘tkazmoqda. Sumalak atrofida yangragan qo‘shiqlar, samimiy suhbatlar va ezgu tilaklar bayramga o‘zgacha fayz bag‘ishlamoqda.

Milliy urf-odatlarimiz va qadriyatlarimiz xalqimizning boy ma’naviy merosi hisoblanadi. Bunday tadbirlar esa ushbu bebaho merosni ulug‘lash, uni yosh avlodga yetkazish va mahallada mehr-oqibat hamda hamjihatlik muhitini yanada mustahkamlashga xizmat qilmoqda.