Xalq deputatlari Ishtixon tumani Kengashining 20-Mitan saylov okrugidan saylangan deputati N.Kiyamov tomonidan saylov okrugi hududidagi Qoraqishloq mahallasida joylashgan 48-sonli umumiy o‘rta ta’lim maktabida joriy oy Kengash sessiyasiga kiritiladigan masala yuzasidan o‘rganish olib borildi.

O‘rganish davomida Maktabgacha va maktab ta’limi bo‘limi hamda uning tizimidagi ta’lim muassasalarida korrupsiyaga qarshi kurashish bo‘yicha belgilangan vazifalarning amaliy ijrosiga e’tibor qaratildi. Jumladan, korrupsiyaviy holatlarning oldini olish, belgilangan vazifalarni bajarish hamda bu borada amalga oshirilayotgan ishlar ko‘rib chiqildi.

Shuningdek, erishilgan natijalar, mavjud muammolar va ularni bartaraf etish bo‘yicha ko‘rilgan choralar yuzasidan ma’lumotlar o‘rganildi. Aniqlangan masalalar yuzasidan tegishli xulosa va takliflar shakllantirilib, ularni Kengash sessiyasida muhokama qilish uchun tayyorgarlik ko‘rilmoqda.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)