Xalq deputatlari Ishtixon tumani Kengashining 14-Bahrin saylov okrugidan saylangan deputati U.Nurmuxamedov tomonidan saylov okrugi hududidagi Bahrin mahallasida mavjud muammolar o‘rganildi.

O‘rganish davomida davlat dasturi asosida elektr tarmoqlari yangilanganligi, hududga yangi temir-beton tayanchlar o‘rnatilib, yangi yopiq elektr kabellari tortilganiga qaramay, eski elektr tarmog‘i hozirgi kunga qadar demontaj qilinmay qolayotgani aniqlandi.

Mazkur holatni bartaraf etish, hududdagi eski elektr tarmog‘ini olib tashlash va elektr ta’minoti tizimini to‘liq tartibga keltirish masalasi “Deputat daftari”ga kiritildi.

Deputat tomonidan ushbu masalani tegishli tashkilotlar bilan hamkorlikda hal etish, yangilangan elektr tarmog‘idan to‘liq va xavfsiz foydalanish uchun zarur ishlarni yakunlash yuzasidan tegishli choralar ko‘rilishi nazoratga olindi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)