Xalq deputatlari Qo‘qon shahar Kengashi deputati, Qo‘qon shahar hokimi M.Usmonov tomonidan Yoshlar kuni tadbirlari doirasida “Vaqf Chorsu” mahallasida yoshlar uchun sayyor qabul o‘tkazildi.

Sayyor qabul davomida yoshlar tomonidan ta’lim krediti to‘lovlarini amalga oshirishda amaliy yordam ko‘rsatish, ishga joylashish, bandlikni ta’minlash hamda turli ijtimoiy masalalarni hal etish yuzasidan murojaatlar bildirildi.

Har bir murojaat atroflicha tinglanib, yoshlarning muammolarini imkon qadar joyida hal etish choralariga e’tibor qaratildi. Murojaatlarda ko‘tarilgan masalalar yuzasidan tegishli mutasaddilarga zarur ko‘rsatma va topshiriqlar berildi.

Ayniqsa, yoshlarning ta’lim olishi uchun yaratilayotgan imkoniyatlardan samarali foydalanishi, ta’lim krediti bilan bog‘liq to‘lovlarni amalga oshirishda yuzaga kelayotgan masalalarni bartaraf etish hamda yoshlarning o‘qishini davom ettirishi uchun zarur sharoitlarni yaratish masalalariga alohida e’tibor qaratildi.

Xalq deputatlari Qo‘qon shahar Kengashi