Andijon shahri Sanoat mahallasida joylashgan 6-sonli oilaviy poliklinika to‘liq rekonstruksiya qilinib, zamonaviy qiyofada foydalanishga topshirildi.

Qariyb 10 mlrd so‘m investitsiya dasturi asosida yangilangan ushbu tibbiyot muassasasi bir kunda 700 qatnovga mo‘ljallangan bo‘lib, 14 ta MFYdagi 63 mingdan ziyod aholiga birlamchi tibbiy xizmat ko‘rsatadi.

Ochilish marosimida Andijon shahar hokimi, Xalq deputatlari Andijon shahar Kengashi deputati Elyorbek Karimov ishtirok etib, tibbiyot xodimlarini tabrikladi va ularga yangi maskanda kuch-g‘ayrat hamda muvaffaqiyat tiladi.