#deputat_soʻrovi_javobi #Deputatlik_nazorati

Deputat so‘roviga Uchtepa tumani hokimining o'rinbosari tomonidan tegishli ma'lumotlar taqdim etildi

📝 Xalq deputatlari Uchtepa tumani Kengashi deputati Xamitova Galina Gennadyevna tomonidan yuborilgan deputatlik so‘roviga tuman hokimining qurilish, to‘siqlarsiz muhit yaratish, kommunikasiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari – tuman Obodonlashtirish boshqarmasi boshlig‘i Nurali Ismatov tomonidan rasmiy javob taqdim etildi.

📊 Deputatlik so'rovida ko'rsatib o'tilgan masalalar bo‘yicha tegishli mutasaddi tashkilotlar tomonidan o‘rganish ishlari olib borilganligi, o‘rganish natijalariga ko‘ra, O‘zbekiston Respublikasi Vazirlar Mahkamasining 2025-yil 17-fevraldagi 98-son qarori ijrosini taʼminlash maqsadida Toshkent shahar uy-joy kommunal xo‘jaligi boshqarmasiga Uchtepa tumani bo‘yicha 2026-yilda qo‘shimcha ravishda almashtirilishi lozim bo‘lgan jami 40 ta lift moslamasining manzilli ro‘yxati tasdiqlangan holda taqdim etilgan bo‘lib, mazkur ro‘yxat 37 ta ko‘p kvartirali uyni qamrab olgan.

📈 Xususan, tasdiqlangan manzilli ro‘yxatga Xuroson mahallasi, 12-mavzedagi 66-sonli ko‘p kvartirali uyning 5-kirish yo‘lagida joylashgan, 1972-yilda o‘rnatilgan 1 ta lift, shuningdek, 4-“A”-sonli ko‘p kvartirali uyning 2-, 3- va 4-kirish yo‘laklarida joylashgan, 1972-yilda o‘rnatilgan 3 ta lift kiritilganligi hamda qayd etilgan manzillardagi lift moslamalarini almashtirish ishlari tasdiqlangan manzilli ro‘yxat asosida, belgilangan tartibda bosqichma-bosqich amalga oshirilishi maʼlum qilingan.