Payshanba — “Yoshlar kuni” doirasida

Yoshlar bandligini ta’minlash, ularning munosib ish o‘rinlariga ega bo‘lishiga ko‘maklashish bugungi kunning ustuvor vazifalaridan biridir.

Shu munosabat bilan Xalq deputatlari Andijon shahar Kengashi deputati, Andijon pedagogika texnikumi direktori Dilafruz Qurbonova tashabbusi bilan ishlash istagidagi, biroq ishga joylashishda ayrim to‘siqlarga duch kelayotgan bitiruvchi yoshlar hamda ularning ota-onalari bilan uchrashuv tashkil etildi.

Muloqot davomida bitiruvchilarning ishga joylashishida yuzaga kelayotgan masalalar o‘rganilib, ularning sabablari yuzasidan fikr almashildi.

Individual suhbatlar yakunlari asosida har bir yoshning murojaatidan kelib chiqib, tegishli chora-tadbirlar belgilandi.

Yoshlarning bandligini ta’minlash, ularning mehnat bozorida o‘z o‘rnini topishiga ko‘maklashish bo‘yicha amaliy ishlar davom ettiriladi.