Xalq deputatlari Angor tumani Kengashi kotibiyati mudiri M. Yarmatov hamda Xalq deputatlari Angor tumani Kengashi 19-Farovon saylov okrugi deputati Mamatmirzayeva Raxima ishtirokida 2026–2027-o‘quv yiliga tayyorgarlik holati o‘rganildi.
O‘rganish davomida maktabda o‘quvchilar uchun yaratilgan shart-sharoitlar, ta’lim jarayoniga tayyorgarlik, sinfxonalarning holati, sanitariya-gigiyena talablari hamda mavjud imkoniyatlar ko‘zdan kechirildi.

Shuningdek, 24-tavsiyaga muvofiq kutubxona faoliyati ham alohida o‘rganildi. Kutubxonadagi mavjud adabiyotlar, o‘quvchilar uchun yaratilgan sharoitlar, kitob fondining holati va undan samarali foydalanish imkoniyatlariga e’tibor qaratildi.

O‘rganish yakunida aniqlangan masalalar yuzasidan mas’ullarga tegishli tavsiyalar berilib, yangi o‘quv yilini yuqori saviyada boshlash hamda o‘quvchilar uchun yanada qulay va munosib sharoitlar yaratish bo‘yicha zarur choralarni ko‘rish belgilab olindi.