O‘zbekiston Respublikasi davlat mustaqilligining 35 yilligi munosabati bilan “Oqtepa”mahallasida, Xalq deputatlari Kengashi deputati Usmanov Nig’matulla Rixsiboyevich tashabbusi bilan 274-sonli umumiy o‘rta ta’lim maktabi xovlisida bayram tadbiri tashkil etildi.

👉Tadbirda mahalla faollari, nuroniylar, yoshlar hamda jamoatchilik vakillari ishtirok etdi. Bayram davomida mahalla faollariga esdalik sovg‘alari topshirildi. Shuningdek, yangi o‘quv yilida 1-sinfga qadam qo‘yayotgan, ijtimoiy himoyaga muhtoj oilalar farzandlariga maktab anjomlari va o‘quv qurollari sovg‘a qilindi.

✔️Tadbir davomida ishtirokchilarga osh tortilib, milliy qadriyatlarimiz va mehr-oqibat an’analarini o‘zida mujassam etgan samimiy dasturxon yozildi.

🎆Bayram tadbiri ko‘tarinki kayfiyat, kuy-qo‘shiq, milliy va zamonaviy sahna chiqishlari hamda turli ko‘ngilochar dasturlar bilan yuqori saviyada o‘tkazildi.

✅Bunday tadbirlar mahalla ahlini birlashtirish, yosh avlod qalbida Vatanga muhabbat va daxldorlik tuyg‘ularini mustahkamlashga xizmat qiladi.

🇺🇿Mustaqilligimiz abadiy bo‘lsin! Yurtimiz tinch, xalqimiz farovon bo‘lsin!