Xalq deputatlari Qo‘qon shahar Kengashi kotibiyat mudiri A.Nosirov tomonidan “Isfara guzari” MFY raisi S.Mirzayev bilan birgalikda Bog‘i bo‘ston ko‘chasidagi yo‘lning ta’mirtalab qismi joyiga chiqib o‘rganildi.

O‘rganish davomida yo‘lning ayrim qismlarida ta’mirlash ishlarini olib borish zarurligi aniqlandi. Mazkur holat mahalla aholisi uchun qulay va xavfsiz harakatlanish sharoitlarini ta’minlash nuqtayi nazaridan muhimligi ta’kidlandi.

Mavjud muammoni bartaraf etish maqsadida tegishli mas’ul tashkilotga deputatlik so‘rovi yuborish va yo‘lning ta’mirtalab qismini ta’mirlash bo‘yicha amaliy choralar ko‘rish yuzasidan kelishib olindi.

Mazkur masala deputat e’tiborida bo‘lib, yo‘lni ta’mirlash bo‘yicha murojaatning natijasi va amalga oshiriladigan ishlar holati nazorat qilib boriladi.

Xalq deputatlari Qo‘qon shahar Kengashi