Tashqi reklama va ijtimoiy axborot joylashtirilishi holati o‘rganildi
Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan O‘zbekiston Respublikasi Vazirlar Mahkamasining 2023-yil 31-avgustdagi “Tashqi reklama va ijtimoiy axborotning aylanish sohasidagi munosabatlarni tartibga solishni yanada takomillashtirish chora-tadbirlari to‘g‘risida”gi 428-son qarori ijrosini tumanda ta’minlash to‘g‘risidagi masala yuzasidan hududlarda o‘rganish ishlari olib borilmoqda.
Shu doirada Xalq deputatlari Pastdarg‘om tumani Kengashi deputati D. Tuychiyeva tomonidan Chimboy mahallasining Bog‘i Eram ko‘chasida joylashgan savdo va maishiy xizmat ko‘rsatish shoxobchalaridagi tashqi reklama holati o‘rganildi.
O‘rganish davomida do‘kon va xizmat ko‘rsatish shoxobchalarida joylashtirilgan reklamalarning amaldagi talablarga muvofiqligi yuzasidan mas’ullar hamda tadbirkorlar bilan tushuntirish va suhbat ishlari olib borildi.