#_deputat_faoliyati
#_24_ta_masala

Xalq deputatlari viloyat Kengashi deputati Sh.Oripov, xalq deputatlari tuman Kengashi raisi M.Ashurov, tuman Kengashi deputati A.Ro'ziyev hamda kotibiyat bosh mutaxassisi A.Nasritdinov tomonidan "Tortuli" mahallasida amalga oshirilayotgan infratuzilmani yaxshilash ishlari deputatlik nazorati tartibida o‘rganildi.

O‘rganish jarayonida mahalla hududida aholiga qulay sharoit yaratish, transport qatnovi va piyodalar harakati xavfsizligini ta’minlash maqsadida barpo etilgan asfalt qoplamasining sifati, bajarilgan qurilish ishlari hamda ularning belgilangan me’yor va talablarga muvofiqligi ko‘zdan kechirildi.

Shuningdek, mas’ul tashkilotlar vakillari bilan olib borilayotgan ishlarning sifati va ularni belgilangan muddatlarda yakunlash masalalari yuzasidan fikr almashilib, tegishli tavsiya va topshiriqlar berildi.