YANGIXAYOT MAHALLASIDA MANZILLI O‘RGANISH ISHLARI OLIB BORILDI 

Xalq deputatlari Quva tuman Kengashi deputati A.Dadajonov hamda Kengash
kotibiyati bosh mutaxassisi M.To‘xtasinov tomonidan Yangixayot mahalla
fuqarolar yig‘ini hududida, xususan, Yangixayot ko‘chasida aholi bilan bevosita
muloqot qilish va hududdagi mavjud holatni o‘rganish maqsadida manzilli
o‘rganish ishlari olib borildi. 

O‘rganish davomida deputat A.Dadajonov ko‘chaboshi I.Raxmonov bilan
birgalikda mahalla hududini aylanib, ko‘chalardagi obodonlashtirish va
sanitariya holati, aholi uchun yaratilgan shart-sharoitlar, ichki yo‘llar,
elektr ta’minoti, tashqi yoritish, ichimlik suvi hamda boshqa kommunal va
ijtimoiy infratuzilma ob’ektlarining holati bilan tanishdi. 

Shuningdek, xonadonlar va ko‘cha hududlarida aholini qiynayotgan masalalar,
mavjud muammolar hamda ularni bartaraf etish bo‘yicha fuqarolarning taklif va
mulohazalari o‘rganildi. 

Aniqlangan
muammo va takliflar “Deputatning ko‘cha aylanish daftari”ga qayd etildi hamda
ularni ijobiy hal etish masalasi deputatlik nazoratiga olindi.