Xalq deputatlari Pastdarg‘om tuman Kengashining navbatdagi sessiyasi kun tartibiga tumandagi ehtiyojmand oilalar xonadonlarini energiya tejamkor qilib ta’mirlash ishlariga qo‘shimcha mablag‘ ajratish masalasi kiritilgan.

Mazkur masalani o‘rganish maqsadida deputatlar mahallalarda bo‘lib, xonadonlarda energiya samaradorligini oshirish va isitish tizimini yaxshilash bo‘yicha amalga oshirilayotgan ishlar holatini o‘rganishmoqda.

Jumladan, deputat M. Qilichov “Zangiboyi” MFYda yashovchi fuqaro Karomat To‘g‘ayeva xonadonida bo‘lib, olib borilayotgan ta’mirlash ishlari jarayoni bilan tanishdi.

O‘rganish davomida xonadonda amalga oshirilishi belgilangan ayrim ishlar to‘liq bajarilmagani aniqlandi.

Shuningdek, ta’mirlash ishlarini olib borayotgan ustalar tomonidan ishlar yakuniga yetkazilmaganligi, hozirda ish jarayoni to‘xtab qolgani hamda ishlarni tashkil etish va sifat nazorati talab darajasida emasligi kuzatildi.