Binokor mahallasi hududidagi bino holati o‘rganildi

Xalq deputatlari Navoiy shahar Kengashi kotibiyati mudiri Jo‘rabek Hafizov hamda kotibiyat bosh mutaxassisi Diyorbek Toyirov tomonidan Navoiy shahar Binokor mahallasi hududida joylashgan bino va unga tutash hududning holati o‘rganildi.

O‘rganish jarayonida binoning tashqi ko‘rinishi, hududning obodonlashtirilganlik darajasi, fuqarolar uchun yaratilgan shart-sharoitlar hamda mavjud infratuzilmaning holati atroflicha ko‘zdan kechirildi.

Shuningdek, hududda aniqlangan kamchiliklar muhokama qilinib, ularni bartaraf etish, obodonlashtirish ishlarini yanada takomillashtirish va mavjud infratuzilmani yaxshilash yuzasidan tegishli taklif hamda tavsiyalar bildirildi.

O‘rganish yakunlari bo‘yicha aniqlangan masalalarni hal etish yuzasidan mas’ul tashkilotlar bilan hamkorlikda tegishli choralarni ko‘rish belgilandi.

Xalq deputatlari Navoiy shahar Kengashi tomonidan hududlarni o‘rganish, mavjud muammolarni aniqlash va ularni bartaraf etish yuzasidan deputatlik nazorati doirasidagi ishlar izchil davom ettirilmoqda.