#deputat_taklifi #doimiykomissiya #poytaxtdeputatlari #deputatlik_faoliyati

❗️Komissiya yig‘ilishida yoshlarni salbiy axborotlardan himoya qilish masalasiga alohida e’tibor haqida deputat taklifi

🏛 Xalq deputatlari Toshkent shahar Kengashining Yoshlar siyosati, madaniyat va sport masalalari bo‘yicha doimiy komissiyasi yig‘ilishi davomida yoshlarning huquq va erkinliklarini, qonuniy manfaatlarini himoya qilish, ular o‘rtasida huquqbuzarliklar va jinoyatchilikning oldini olish masalalari yuzasidan qator takliflar bildirildi.

📝 Doimiy komissiya a’zosi deputat Nodir Yunusov muhokamalar davomida bugungi kunda yoshlar o‘rtasida huquqbuzarliklar profilaktikasini amalga oshirishda zamonaviy axborot makonining o‘rni va ta’sirini chuqur hisobga olish zarurligini ta’kidladi.

🔺 Deputatning qayd etishicha, bugungi kunda ko‘plab yoshlar turli ijtimoiy tarmoqlar va axborot platformalaridagi zararli, buzg‘unchi hamda yolg‘on mazmundagi kontentlar ta’siriga tushib qolmoqda. Natijada ularning dunyoqarashi, ma’naviy qadriyatlari va huquqiy ongiga salbiy ta’sir ko‘rsatuvchi omillar kuchaymoqda.

🔎 Shu bois, yoshlarning huquq va erkinliklari hamda qonuniy manfaatlarini himoya qilish, huquqbuzarliklar va jinoyatchilikning, shu jumladan maxsus profilaktika choralarining samaradorligini oshirishda taqiqlovchi usullardan ko‘ra, ommaviy axborot vositalari va raqamli platformalar orqali sifatli, tarbiyaviy, huquqiy va vatanparvarlik ruhidagi kontentlarni ko‘paytirish muhimligini ta’kidladi.

🤝 Shuningdek, davlat organlari, ta’lim muassasalari, fuqarolik jamiyati institutlari, blogerlar va ommaviy axborot vositalari hamkorligida yoshlar uchun qiziqarli va ishonchli media mahsulotlarini yaratish, ularni salbiy axborot xurujlaridan himoya qilishning eng samarali vositalaridan biri ekanini qayd etdi.

✅ Bildirilgan takliflar komissiya a’zolari tomonidan qo‘llab-quvvatlanib, yoshlar o‘rtasida huquqbuzarliklar profilaktikasini kuchaytirish hamda axborot makonida sog‘lom media muhitni shakllantirishga xizmat qiluvchi muhim tashabbus sifatida e’tirof etildi.

🗣 Xalq deputat Toshkent shahar Kengashi deputati, Xalq deputatlari Toshkent shahar Kengashining Yoshlar siyosati, madaniyat va sport masalalari bo‘yicha doimiy komissiyasi a'zosi - Nodir Yunusov

📱 Telegram 📱 Instagram 📱 Facebook 📱 YouTube 🔎 E-kengash