Xalq deputatlari Jondor tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi raisi O. Sherov hamda doimiy komissiya a’zolari ishtirokida navbatdagi yig‘ilish bo‘lib o‘tdi.
🌏Yig‘ilishda Jondor tumanida qonuniylikni mustahkamlash, fuqarolarning huquq va erkinliklarini himoya qilish, jinoyatchilik va huquqbuzarliklarning oldini olish borasida 2026-yilning 6 oyi davomida amalga oshirilgan ishlar yuzasidan tuman prokurori S. Sharopovning axboroti tinglandi. Muhokamalar davomida hududdagi kriminogen vaziyat, profilaktik tadbirlar samaradorligi hamda mavjud muammolarni bartaraf etish bo‘yicha amalga oshirilayotgan ishlar atroflicha ko‘rib chiqildi.
🌏Shuningdek, tuman darajasidagi davlat organlari va tashkilotlarining norma ijodkorligi hamda huquqni qo‘llash amaliyoti holati yuzasidan 2026-yilning 6 oyi davomida bajarilgan ishlar bo‘yicha tuman adliya bo‘limi boshlig‘i D. Bo‘riyevning axboroti ham eshitildi. Axborotda normativ-huquqiy hujjatlar ijrosi, huquqiy ekspertiza, qonunchilikka rioya etilishi va huquqni qo‘llash amaliyotini takomillashtirishga qaratilgan chora-tadbirlar xususida ma’lumot berildi.
🌏Yig‘ilish yakunida komissiya a’zolari tomonidan bildirilgan taklif va tavsiyalar asosida tegishli mas’ul idoralarga qonuniylikni yanada mustahkamlash, huquqbuzarliklarning oldini olish, shuningdek, norma ijodkorligi va huquqni qo‘llash amaliyoti samaradorligini oshirishga qaratilgan tavsiyalar berildi hamda tegishli qaror qabul qilindi.