Xalq deputatlari Jondor tumani Kengashiga 1-Tinchlik saylov okrugidan saylangan deputat I.Xolov, tuman Kengashi kotibiyati bosh mutaxassisi R.Murodov hamda O‘zbekiston XDP Jondor tumani Kengashi raisi B.Enazarovlar tomonidan "Navgadi" mahallasida chiqindilarni o‘z vaqtida olib chiqish bilan bog‘liq holatlar joyiga chiqib o‘rganilgan edi.
🔹O‘rganish davomida aniqlangan muammolar yuzasidan tegishli mutasaddilar bilan hamkorlik yo‘lga qo‘yilib, "Toza hudud" davlat muassasasi hamda ko‘p qavatli uy-joylarni boshqaruv kompaniyalari tomonidan zarur choralar ko‘rildi. Natijada maishiy chiqindilarni o‘z vaqtida olib chiqish tizimi yo‘lga qo‘yilib, ko‘tarilgan muammo qisqa muddatda bartaraf etildi.
🔹Mazkur amaliy ishlar aholining murojaatlariga tezkor munosabat bildirish, mahallalarda sanitariya-tozalikni ta'minlash hamda qulay yashash muhitini yaratish yo‘lidagi samarali hamkorlikning yana bir amaliy namunasi bo‘ldi.