"Dolzarb 90 kun – 90 imkoniyat" loyihasi

Xalq deputatlari Qo‘shko‘pir tumani Kengashi deputati J. Masharipov hamda kotibiyat bosh mutaxassisi S. Matyaqubova "Dolzarb 90 kun – 90 imkoniyat" loyihasi doirasida Zarbdor mahallasidagi 13-son umumta'lim maktabida tashkil etilgan tadbirda faol ishtirok etdilar.

Tadbir davomida hamkor tashkilotlar vakillari bilan birgalikda yoshlarning bo‘sh vaqtini mazmunli tashkil etish, ularning bandligini ta'minlash, ijtimoiy faolligini oshirish, iste'dod va tashabbuslarini qo‘llab-quvvatlash masalalari atroflicha muhokama qilindi.
Ta'kidlanganidek, Prezidentimiz tashabbusi bilan amalga oshirilayotgan yoshlarga oid davlat siyosati doirasidagi mazkur loyiha yosh avlodni Vatanga sadoqat, tashabbuskorlik va bunyodkorlik ruhida tarbiyalash, ularning salohiyatini ro‘yobga chiqarish hamda mahallalarda sog‘lom ijtimoiy muhitni mustahkamlashga xizmat qilmoqda.