Xalq deputatlari Bo‘zatov tumani Kengashi kotibiyati bosh mutaxassisi K. Aytmuratov "Qusqanatov" okrugida yoshlar maslahat guruhi a’zosi bilan birgalikda yoshlarga ajratilgan yer maydonlaridan foydalanish holatini joyiga chiqqan holda o‘rgandi.
O‘rganish davomida yer maydonlarida olib borilayotgan ishlar, ekinlarning holati hamda ajratilgan yerlardan samarali va maqsadli foydalanish masalalari ko‘zdan kechirildi. Jumladan, "Tóremurat, Atajan" korporativ dehqon xo‘jaligi hududida 15 nafar yoshga ajratilgan yer maydonlari o‘rganildi. Hozirgi kunda ushbu yerlarda kortoshka, qovun hamda poliz ekinlari yetishtirilayotgani, yoshlar tomonidan agrotexnik tadbirlar o‘z vaqtida amalga oshirilayotgani qayd etildi.
Shuningdek, yerlardan yanada unumli foydalanish, hosildorlikni oshirish, ekinlarni sifatli parvarishlash va mo‘l hosil olish bo‘yicha yoshlar bilan suhbat o‘tkazilib, tegishli tavsiya va tushuntirishlar berilip kelinmoqda.
Bunday o‘rganishlar yoshlarning bandligini ta’minlash, qishloq xo‘jaligi faoliyatini qo‘llab-quvvatlash hamda ajratilgan yer maydonlaridan oqilona foydalanishni ta’minlashga xizmat qiladi.