📌 Deputatlik nazorati doirasida maktabgacha ta’lim tashkiloti o‘rganildi

Xalq deputatlari Sherobod tumani Kengashining 6-Navbur–Dehqonariq saylov okrugi deputati M. Madarqulov hamda 8-Mehnatobod saylov okrugi deputati S. Irisov ishtirokida "Dehqonariq" mahallasi hududida joylashgan 31-son maktabgacha ta’lim tashkilotida deputatlik nazorati olib borildi.

🔍 Deputatlik nazorati davomida muassasada ta’lim-tarbiya jarayonining tashkil etilishi, yaratilgan shart-sharoitlar, moddiy-texnik bazaning holati hamda tarbiyalanuvchilar uchun xavfsiz va qulay muhitni ta’minlash borasida amalga oshirilayotgan ishlar joyiga chiqib o‘rganildi.

📊 Shuningdek, muassasa faoliyati davomida uchrayotgan muammolar va ularni bartaraf etish yuzasidan mas’ullar bilan fikr almashilib, ta’lim sifatini yanada oshirish hamda mavjud imkoniyatlardan samarali foydalanish bo‘yicha tegishli tavsiya va takliflar bildirildi.

🤝 Nazorat davomida aniqlangan holatlar yuzasidan mas’ullarga mavjud kamchiliklarni bartaraf etish, muassasa faoliyatini yanada takomillashtirish hamda maktabgacha ta’lim xizmatlari sifatini oshirish bo‘yicha tegishli tavsiyalar berildi.

✅ Deputatlik nazorati fuqarolarga ko‘rsatilayotgan ta’lim xizmatlari sifatini oshirish, bolalar uchun munosib shart-sharoitlar yaratish hamda maktabgacha ta’lim tizimida amalga oshirilayotgan islohotlar ijrosini samarali ta’minlashga xizmat qiladi.