Xalq deputatlari Tuproqqal’a tuman Kengashining navbatdagi sessiyasida mas’ul davlat organlari va tashkilotlari rahbarlarining aholi murojaatlari bilan ishlash bo‘yicha axborot (hisobot)larini eshitishni samarali tashkil etish chora-tadbirlari to‘g‘risidagi qaror qabul qilindi.

Mazkur qarorga muvofiq, Kengash sessiyalarida O‘zbekiston Respublikasi Prezidenti Xalq qabulxonasi, hokimlik hamda davlat organlari va tashkilotlari rahbarlarining murojaatlar bilan ishlash yuzasidan hisobotlarini eshitishning aniq tartibi belgilandi. Shuningdek, hisobotlarni puxta tayyorlash va ularni sifatli muhokama qilish jarayoniga Kengash huzuridagi ekspertlar guruhi a’zolarini jalb etish hamda deputatlik nazoratini yanada kuchaytirish vazifalari belgilab olindi.