📌Xalq deputatlari Jizzax shahar Kengashi deputati D.Saidova hamda shahar Kengashining “Qurilish, kommunal sohalar, ekologiya, sanoat va transport masalalari bo‘yicha” doimiy komissiya raisi B.Toshpo‘latov tomonidan “A.Temur” MFY hududida navbatdagi ishchi o‘rganish o‘tkazildi.

🔹O‘rganish mahalla hududidan o‘tgan sel yo‘llarining holatini tahlil qilish va yuzaga kelayotgan muammolarni bartaraf etish choralarini ko‘rishdan iborat bo‘ldi. 

🔹Deputatlar va komissiya a‘zolari hududdagi sel yo‘lini to‘g‘rilash, oqim yo‘nalishini xavfsiz tomonga burish hamda muhandislik-himoya tizimlarini mustahkamlash masalalarini atroflicha ko‘rib chiqdilar.

🔹O‘rganish yakunlariga ko‘ra, sel yo‘lini to‘g‘rilash bo‘yicha mutaxassislar xulosasini olish, zarur loyiha-smeta hujjatlarini tayyorlash hamda mazkur masalani moliyalashtirish choralarini ko‘rish belgilab olindi.