O‘rganish davomida mahalla faollari, nuroniylar va fuqarolar bilan ochiq muloqot o‘tkazilib, hududni qiynayotgan dolzarb muammolar hamda amalga oshirilayotgan bunyodkorlik ishlari muhokama qilindi.

Xususan, ichki yo‘llarning holati, ichimlik suvi, elektr energiyasi va tabiiy gaz ta'minoti, ko‘cha yoritish tizimi, obodonlashtirish, sanitariya-tozalik, kommunal xizmatlar sifati hamda mahalla infratuzilmasini yanada yaxshilash masalalari atroflicha o‘rganildi.

Shuningdek, hududda olib borilayotgan qurilish va ta'mirlash ishlari, obodonlashtirish tadbirlarining borishi ko‘zdan kechirilib, ularning sifati hamda belgilangan muddatlarda yakunlanishi yuzasidan mas'ullarga tegishli tavsiyalar berildi.

Fuqarolar tomonidan bildirilgan murojaatlar va takliflar deputat tomonidan batafsil tinglanib, ularni hal etish yuzasidan tegishli tashkilotlar bilan hamkorlikda amaliy choralar ko‘rish hamda zarur hollarda deputatlik so‘rovlari kiritish belgilandi.

Uchrashuv davomida aholiga mamlakatimizda amalga oshirilayotgan islohotlar, hududlarni kompleks rivojlantirish bo‘yicha davlat dasturlari hamda mahallalarni yanada obod va farovon etishga qaratilgan chora-tadbirlar yuzasidan ham axborot berildi.

Hududdagi mavjud muammolarni o‘z vaqtida aniqlash, ularni bartaraf etish va fuqarolar uchun munosib yashash sharoitlarini yaratishga qaratilgan ishlar deputatlik nazoratida davom ettirilmoqda.