Xalq deputatlari Toyloq tuman Kengashi kotibiyati mudiri B. Hamrayev tomonidan tuman 1-son politexnikumida joriy etilgan dual ta'lim tizimi faoliyati o‘rganildi.

Tashrif davomida talabalarning nazariy bilimlarini amaliyot bilan uyg‘unlashtirish, ishlab chiqarish korxonalarida kasbiy ko‘nikmalarni shakllantirish hamda ularning kelgusida bandligini ta'minlash borasida amalga oshirilayotgan ishlar bilan tanishildi.

Shuningdek, politexnikum bilan hamkorlik qilayotgan mebel ishlab chiqarish korxonasida talabalar uchun yaratilgan sharoitlar va ularning zamonaviy texnologiyalar asosida amaliyot o‘tash jarayoni ko‘zdan kechirildi.

O‘rganish yakunida ta'lim muassasasi va ishlab chiqarish korxonalari o‘rtasidagi hamkorlikni yanada rivojlantirish hamda yoshlarni zamonaviy kasb-hunarga yo‘naltirish yuzasidan tegishli tavsiyalar berildi.