Xalq deputatlari Taxiatosh tumani Kengashining “Korrupsiyaga qarshi kurashish va xavfsizlik masalalari bo‘yicha” doimiy komissiyasining navbatdagi yig‘ilishi bo‘lib o‘tdi.

👥 Yig‘ilishga doimiy komissiya raisi Gayliyev Shamirat Kurbanmiradovich raislik qildi.

📝 Kun tartibida aholi murojaatlari bilan ishlash tizimini takomillashtirishga oid ikki muhim masala ko‘rib chiqildi:
🔹 O‘zbekiston Respublikasi Prezidentining Taxiatosh tumanidagi Xalq qabulxonasi tomonidan hududiy davlat organlari va tashkilotlarida aholi murojaatlari bilan ishlash holati yuzasidan axborot tinglandi.

🔹 Shuningdek, Taxiatosh tumani hokimligi ijro intizomi nazorati bo‘linmasi bosh mutaxassisi Z.Saparovaning aholi murojaatlari bilan ishlash tizimini yangi bosqichga olib chiqish borasida amalga oshirilayotgan ishlar yuzasidan hisoboti eshitildi.

💬 Muhokamalar davomida murojaatlarni o‘z vaqtida va sifatli ko‘rib chiqish, ijro intizomini kuchaytirish hamda fuqarolar bilan ishlash samaradorligini oshirish bo‘yicha taklif va tavsiyalar bildirildi.

✅ Yig‘ilish yakunida ko‘rib chiqilgan masalalar yuzasidan doimiy komissiyaning tegishli qarori qabul qilindi.